Nën moton “Farmacistët: Përballja me Nevojat e Shëndetit Global”, sivjet festohet 25 shtatori, Dita Botërore e Farmacistëve. Motoja e sivjetme e FIP, lider i farmacisë në nivel global, buron nga sfidat shëndetësore me të cilat përballet bota dhe nga rëndësia në rritje e sigurimit të aksesit të barabartë në kujdesin e mirë shëndetësor përmes sistemeve të qëndrueshme shëndetësore në të gjitha vendet.
Si rezultat i pandemisë, shumë vende dhe organizata kanë zhvilluar strategji të reja globale shëndetësore, duke adresuar sfidat urgjente aktuale dhe të ardhshme, si mungesa e aksesit në kujdesin shëndetësor, mungesa e punonjësve shëndetësorë, rezistenca antimikrobike, ndryshimet klimatike dhe ndotja e ajrit, HIV dhe sëmundjet e reja infektive.
Si anëtarë integral të sistemeve të kujdesit shëndetësor, farmacistët luajnë një rol jetik në plotësimin e nevojave shëndetësore. Ato ofrojnë akses në ilaçet thelbësore, këshilla dhe kujdes shëndetësor parësor, veçanërisht në kushte me burime të kufizuara.
Ato ndihmojnë në parandalimin e sëmundjeve, marrin pjesë në kërkimin dhe zhvillimin e ilaçeve të reja dhe kujdesen që antibiotikët të përdoren vetëm kur është e nevojshme. Siç u dëshmua gjatë pandemisë Covid, farmacistët janë në vijën e parë të përballjes me krizat globale shëndetësore.
Fushata e Ditës Botërore të Farmacistëve të FIP-it është mjet për profesionin, për të festuar kontributin që jep për një shëndet më të mirë në mbarë botën.
Gëzuar 25 Shtatori, Dita Botërore të Farmacistëve.
