Me ftesë të kryetares së Odës Farmaceutike të Malit të Zi, Milanka Zhugiq, kryetarja e
Odës Farmaceutike të Republikës së Maqedonisë së Veriut, mr. Vesna Stavrova, së
bashku me ish-kryetaren e Odës, mr. Bistra Angelovska, morën pjesë në Simpoziumin
“Farmacia e Personalizuar: nga zgjidhjet magistrale deri te mbështetja klinike”, i cili u
mbajt në Budva, në periudhën nga 06 deri më 08 shkurt 2026.
Në ngjarje morën pjesë përfaqësues të organizatave farmaceutike nga rajoni, ku u
shkëmbyen përvoja dhe qëndrime profesionale me qëllim avancimin e veprimtarisë
farmaceutike dhe forcimin e rolit të farmacistëve në sistemin e kujdesit shëndetësor.
Qëllimi i simpoziumit ishte avancimi i praktikës profesionale përmes shkëmbimit të
njohurive, përvojave dhe praktikave të mira, si dhe nxitja e bashkëpunimit rajonal dhe
forcimi i pozitës së farmacistëve si segment i rëndësishëm në sistemin modern
shëndetësor.
Prania e Odës Farmaceutike të RMV-së në këtë Simpozium konfirmon reputacionin e
saj si partner relevant në kuadër rajonal. Përmes ndarjes së përvojave profesionale me
kolegët nga vendet fqinje, Oda siguron vazhdimësi në zhvillimin e veprimtarisë
farmaceutike dhe angazhohet për një nivel më të lartë të shërbimit shëndetësor për të
gjithë qytetarët.
