Bashkëpunim i ndërsjellë në fushën e edukimit dhe programeve të trajnimit, me qëllim avancimin e praktikës farmaceutike dhe forcimin e kompetencave profesionale të farmacistëve. Këto janë pikat kryesore të Memorandumit të Mirëkuptimit të nënshkruar nga farm.spet. Vesna Stavrova, kryetare e Odës së Farmacistëve të RMV, dhe Daniel Zlot, president i Shoqatës Amerikane të Farmacistëve (APhA).
Gjatë ceremonisë së nënshkrimit u theksua se Shoqata Amerikane e Farmacistëve dhe Oda e Farmacistëve të RMV ndajnë të njëjtat vlera kur bëhet fjalë për zhvillimin profesional, standardet e larta të rritjes dhe përmirësimit të vlerave profesionale e etike të farmacistëve, si edhe vendosjen e pacientit në qendër të kujdesit.
Të dyja palët shprehën kënaqësi që bashkëpunimi duhet të vazhdojë më tej, në drejtim të një shkëmbimi të vazhdueshëm informacioni dhe thellimit të miqësisë ndërmjet dy asociacioneve profesionale.
