Kryetari i Kuvendit është anëtar i tij dhe angazhohet për:

• Afirmimin e profesionit farmaceutik;
• Zhvillimin dhe modernizimin e punës së Odës;
• Përfaqësimin e paanshëm dhe të barabartë të interesave të segmenteve të veçanta të veprimtarisë farmaceutike;

Këshilli Ekzekutiv ka 11 anëtarë. Njësitë territoriale nga 1 deri në 7 kanë nga një anëtar – përfaqësues, ndërsa njësia territoriale 8 ka 3 anëtarë – përfaqësues në Këshillin Ekzekutiv.

Kryetari i Odës, me funksion është anëtar i Këshillit Ekzekutiv dhe kryetar i tij.
Anëtarët e Këshillit Ekzekutiv zgjidhen nga Kuvendi i Odës me propozimin e njësive territoriale.

Këshilli Ekzekutiv i kryen detyrat si në vijim:

• i propozon Kuvendit miratimin e Programit të Punës dhe Planit Financiar;
• shqyrton dhe miraton propozime për materialet e mbledhjeve të Kuvendit;
• e zbaton Programin e Punës dhe Planin Financiar dhe vendimet e tjera të Kuvendit dhe për këtë e njofton Kuvendin;
• shqyrton propozimet e anëtarëve për veprimin e Odës;
• zbatimin e akteve të miratuara nga Kuvendi;
• përcaktimin e propozimeve të akteve të miratuara nga Kuvendi;
• ngrit iniciativë për miratimin dhe ndryshimin e ligjeve përkatëse dhe rregullave të tjera;
• shqyton dhe merr qëndrime për zhvillimin e veprimtarisë së Odës që ndikojnë në avancimin e punës;
• ofron transparencë për punën e Odës;
• i miraton të gjitha aktet e përgjithshme që nuk janë në kompetencë të Kuvendit;
• parashtron raport të Kuvendit për punën e tij;
• formon trupa pune të përhershme ose të përkohshme për kryerjen e detyrave të caktuara;
• menaxhon me mjetet në dispozicion të Odës;
• miraton llogarinë përfundimtare për vitin paraprak;
• mbikëqyr punën e shërbimit profesional dhe vendos për themelimin dhe ndërprerjen e marrëdhënies së punës të punëtorëve në shërbimin profesional;
• shpall konkurs dhe zgjedh sekretarin e Odës;
• vendos për kundërshtimet dhe ankesat e aktvendimeve nga marrëdhënia e punës;
• i propozon Kuvendit anëtarësimin në organizatat dhe asociacionet e ngjashme përkatëse brenda dhe jashtë vendit;
• në përputhje me ligjin i klasifikon dokumentet dhe të dhënat që përfaqësojnë sekret dhe njoftimi i të cilave do të ishte në kundërshtim me interesat e Odës;
• kryen edhe detyra të tjera të përcaktuara me këtë Statut ose me aktet e tjera të Odës.

Për punën e tij, Këshilli Ekzekutiv është përgjegjës para Kuvendit të Odës.

Kryetari i Odës kujdeset për ushtrimin e funksioneve të Odës.

Kryetari i Odës:

• udhëheq me punën e Odës;
• miraton vendime, aktvendime dhe akte të tjera lidhur me udhëheqjen e punës së Odës, të cilat nuk janë në kompetencë të organeve të tjera;
• i nënshkruan aktet e miratuara në mbledhjet e Këshillit Ekzekutiv;
• ndërmerr aktivitete për zbatimin e akteve të miratuara nga Kuvendi, Këshilli Ekzekutiv, komisionet dhe organet e tjera të Odës;
• i nënshkruan dokumentet nga puna materiale financiare e Odës;
• i nënshkruan marrëveshjet e lidhura nga Oda;
• kryen edhe punë të tjera të përcaktuara me ligj, Statut dhe me akte të tjera të Odës.

Gjykata e Nderit vendos për shkeljen e normave etike dhe profesionale, shkeljen e dispozitave të këtij Statuti dhe akteve të tjera të Odës, mospërmbushjen e obligimeve të anëtarëve të Odës, etj.
Gjykata e Nderit në ushtrimin e funksionit të saj është e pavarur dhe gjykon në bazë të Kushtetutës, Ligjit, Statutit dhe akteve të tjera të përgjithshme të Odës.

Prokurori vepron me kallëzime për ngritjen e procedurës për shkeljen e dispozitave të kodit të detyrave dhe të drejtave etike të farmacistëve.

Këshilli Mbikëqyrës kryen mbikëqyrje mbi:

• ligjshmërinë dhe korrektësinë e punës së Odës;
• shfrytëzimin e mjeteve të Odës dhe punës së përgjithshme materiale dhe financiare të Odës;
• realizimin e obligimeve të anëtarëve të Odës;
• punën financiare;
• dokumentet e kontabilitetit;
• shfrytëzimin e mjeteve për punën e shërbimit profesional të Odës;
• çështje të tjera të përcaktuara me këtë Statut dhe aktet e Odës.