Средбата на Советот на FIP се одржа на 30 и 31 август 2025 година, во Копенхаген.
Присуствуваа претставници од 85 земји-членки, четири организации-набљудувачи, четири сојузнички организации, осум секции на FIP и пет форуми.
Извештај на Претседателот на FIP
Извештајот на претседателот на FIP, Пол Синклер, ги истакна постигнувањата и успесите во изминатата година. Годишното присуство на FIP на Светското здравствено собрание (WHA) во Женева во мај овозможува вклучување на FIP во работата на Светската здравствена организација (СЗО), министрите за здравство и другите здравствени професионалци. Ова беше трета година по ред кога делегацијата на FIP во Женева вклучуваше претставници од Бирото на FIP, организациите-членки и други тела на FIP, со учество на повеќе од 66 настани на маргините на Собранието, со што значително се зголеми влијанието на нашето присуство. Меѓу нив беше и страничниот настан на FIP насловен „Фармацевти и фармација – Решенија засновани на докази за глобалните закани“, кој овозможи да се прикаже улогата и придонесот на фармацевтите во справување со различни здравствени предизвици.
Претседателот понатаму ги истакна активностите од десетте приоритетни програми, меѓу кои:
– Алатка за самооценка на примарната здравствена заштита за организациите-членки
– Регионална патека за антимикробна резистенција 2024–2028
– Глобален одговор на фармацијата на итни состојби и катастрофи: примери од земји
– Учество на 7. Глобален министерски самит за безбедност на пациентите
– Поддршка на фармацевтски базирана вакцинација и самогрижа
– Алатка за започнување на услуги за хронични заболувања во аптеките
– Зајакнување на жените: промовирање на женско претприемништво во заедницата фармација
– Учество во Светскиот ден на животната средина 2025
– Анализа на трендовите од 2016 до 2024 преку Мултинационалната програма за проценка на потребите.
Во изминатите дванаесет месеци, FIP објави повеќе од 40 публикации (алатки, извештаи, прирачници), преведе 10 публикации, понуди над 130 дигитални ресурси (вклучувајќи настани, подкасти, CPD материјали), објави над 50 дигитални инфографики и едукативни материјали, вклучи скоро 1.200 статии во списанијата на FIP и додели 14 нови програми со ознака „FIP Seal“.
Членство
Новоформираниот Советодавен комитет за членство (MAC) беше воспоставен по состанокот во Кејп Таун (2024) и се состои од претставници на Бирото на FIP, научни организации-членки, секции и академски институции-членки (AIM). Извештај беше поднесен и за работата на петте регионални форуми, со проекти усогласени со „Повиците за акција од Брисбен“ и Регионалните патеки за фармација, со цел градење капацитети и поттикнување соработка меѓу регионите и FIP.
Управување
Во Кејп Таун, Советот на FIP одобри основање на Советодавен комитет за статути (SAC), кој ќе управува со усогласувањето на активностите и правилниците на FIP. Исто така беше претставен предлог за интегриран одбор, кој има за цел зајакнување на управувањето, обезбедување еднаквост и подобра координација меѓу науката, практиката и образованието. Новата структура ќе биде разгледана за одобрување во Монтреал, Канада, во 2026 година.
На состанокот, Советот го усвои Стратегискиот план 2025–2030, колективна патека за развој на фармацевтската професија. Планот опфаќа глобални предизвици како недостиг на кадар, пристап до лекови, климатски промени и дигитална трансформација.
Шесте стратешки исходи се:
1. Пристап до лекови и здравствени услуги
2. Фармацевтска грижа насочена кон пациентот
3. Иновации и фармацевтски науки
4. Зајакнување на фармацевтската грижа и развој на кадарот
5. Антимикробна резистенција и пристап „Обединети за здравје“
6. Лидерство, управување и глобално ангажирање
Советот исто така ја потврди повторната функција на Луис Лоуренсо како професионален секретар (2025–2029) и ја избра д-р Надја Ел Мазури за потпретседател (2025–2029).
Усвоени се и четири нови изјави на политика:
– Вештачка интелигенција во фармацевтската пракса
– Фармацевти: пристап до самогрижа
– Фармацевтска грижа насочена кон луѓето
– Улогата на фармацевтите во незаразни болести
Соработка со партнери
Советот доби извештај за активностите со СЗО: учество на симпозиуми, состаноци на Извршниот одбор, WHA и технички придонеси.
Во изминатата година, FIP соработуваше и со WHPA и други партнери на глобално, регионално и национално ниво за теми како АМР, вакцинација, самогрижа, НЦД, климатски промени и развој на кадар. Доделени беа 18 нови програми со ознака „FIP Seal“.
Соработката FIP-UNESCO-UNITWIN обезбедува платформа за глобална фармацевтска едукација и развој на кадарот, преку мрежата GPhEd.
Заклучок
Советот на FIP е задоволно од резултатите на состанокот и подготвено е да ги спроведе сите донесени одлуки.
