Во рамки на отворањето на 83-тиот Светски конгрес за фармација и фармацевтски науки, одржано на 31 август 2025 во Копенхаген, Кралската асоцијација на фармацевти на Холандија (KNMP) ја доби Наградата за кампања за промоција на здравјето за иницијативата „Да снема не е опција“, чијашто цел е подигување на јавната свест за улогата на фармацевтите во управувањето со недостиг на лекови.
Организациската награда за фармацевтско образование на FIP 2025, за ревидирањето на програмата за постдипломска специјализација за фармацевти во заедницата, ја освои Катедрата за фармацевтски науки на Универзитетот во Утрехт, во соработка со KNMP. Станува збор за наставна програма заснована на компетенции, која ги интегрира рамката CanMEDS и доверливите професионални активности (Entrustable Professional Activities), ја зајакнува врската помеѓу образованието и практиката и привлече внимание и кај професионалците и кај креаторите на политики.
83-тиот Светски конгрес на FIP се одржа во периодот од 31 август до 3 септември 2025 година во данската престолнина, Копенхаген.
Деталниот Извештај на FIP за глобалната состојба во фармацијата може да го преземете преку следниот линк:
GLOBAL SITUATION REPORT ON PHARMACY 2025
