Претседателката на Фармацевтската комора на Република Северна Македонија, фарм.спец. Весна Ставрова, на 26 и 27 септември 2025 година учествуваше на свеченоста во Загреб по повод одбележувањето на 30 години од основањето на Фармацевтската комора на Хрватска.
На настанот, кој собра претставници на фармацевтските организации од регионот, Ставрова беше поканета од страна на претседателката на Хрватската фармацевтска комора, г-ѓа Ана Солдо.
На свеченоста, којашто беше повеќе од формална, се споделија професионални искуства и се отворија теми за статусот и идната улога на фармацевтите, за нивното стручно усовршување и потребата од постојано следење на новитетите во професијата.
Тридеценискиот јубилеј беше одбележан и со една универзална порака – професионалната соработка е важна, но пријателството, меѓусебната доверба и комуникација се темелот врз кој се градат трајни и успешни партнерства.
